夏日の文創選物特集
香港熱辣辣已經唔係新聞，小編們眼看溫度計每日都要挑戰新高，亦都成功爭取準備今次呢個夏日の選物特集，為大家挑選夏日必備既文創設計單品!
首先，我地從精神層面解解暑，香港人究竟有咩方法可以精神上涼浸浸呢?
小編首推靜靜在家中點起來自西貢的香港本地品牌「BeCandle」的Scented Candle，感受一下大自然的氣息如何把忙碌生活排山倒海帶來的壓力輕輕抹去。
桂花、鼠尾草、茉莉花和海鹽等氣味，相信定能一掃悶熱。
圖片來源: @BeCandle
除左精神上解暑，我地都要實際少少嘅，根據非官方唔正式研究調查顯示要解暑，流汗係首選之方法。究竟有咩方法可以舒舒服服咁流汗，消消暑呢? 無錯啦，就係大海入面流汗啦。有咩會好得過熱辣辣去沙灘玩呢，不過唔好忘記帶番張沙灘墊啊!
圖片來源: @beachybitchy_hk
Beachy Bitchy 推出既沙灘墊唔單止有「跣沙」功能，更加可以組合不同圖案，變成雙人版本。除左沙灘，野餐都適用，一齊lets get wet啦!
說起野餐，近年市區綠化空間多了不少，帶起了野餐的小熱潮。夏日炎炎都係不錯的戶外活動，而作為永遠裝備行先的香港人，一身野餐裝備少不免。除左功能上的裝備，打卡裝備都唔可以無忽略。來自香港設計品牌The Edlyn的全人手編織袋，以三十年的手工藝，打造一個個充滿質感的袋。
來自「粉紅系列」的Hickory 及 Rattan [圖片來源: @The.Edlyn]
要將一片綠油油映入眼簾，讓自己投入大自然，同炎夏融為一體? 不如直接帶植物氣息番屋企啦!
Plant Mut Yeah 為香港人沉悶嘅生活帶來一點點生氣，一盆多肉植物，在家中陪伴著你，或者係亂世之中的一點慰藉。
3D POTS Infinity Series [圖片來源: @Plant Mut Yeah ]
一杯冷泡咖啡，一杯冷泡茶，係夏日炎炎的香港，可以話係一個享受。小編私心推介 Quico 推出的 Quico Brew，可以係一呼一吸間，快速萃取精華，輕鬆製成冷泡飲品。設計輕巧易攜，唔單止可以係屋企準備飲品，帶番Office又得，帶番學校又得!
[圖片來源: @QUICO]
[圖片來源: @QUICO]
熱到唔想出街? 輕鬆係屋企就可以打造「打卡able」既冷泡飲品。平時生活咁大壓抑，不妨宅在家中，一齊享受生活多丁點純粹啦。
其實仲有好多出色的香港文創品牌推出嘅設計都好值得推介俾大家， 小編再同大家繼續推介啦! 大家要繼續支持香港文創品牌!
-----
即刻Follow 小念頭 及 Sdden 嘅社交平台:
小念頭 Instagram: https://www.instagram.com/siu_nim_tau/
Sdden Instagram: https://www.instagram.com/sdden_co/